About
This waiata ngāhau is a tribute to the work of Mahi Mihinare. It expresses gratitude and unity, emphasising the mission's role in promoting wellbeing, justice, and dignity. It highlights our faith whakapapa and our commitment upholding the values and principles of te Tiriti o Waitangi. Calling for continued collective efforts and steadfastness within our mission.
Mahi Mihinare
Mahi Mihinare, ko tōna tū whakakake
Ma te mahi, ka whai tika
Mahi Mihinare, he ūmanga whakakōtahi
I te hāhi, me te Tiriti
Ki te tautoko i ngā hiahia aka harakeke
Me te wero mai i ngā tapa
Ki te rōpū iwi tahatahi
Mō te whakaara ki te wewete
Kia tū tangata ai, i tōna tino rangatiratanga
Ko tā mātou he tūmanako
About
The passage provided is a translation of Mahi Mihinare's mission statement into a mōteatea, a traditional Māori chant or song, gifted to us by Matua Pine Campbell.
Whakarongo
He kupu tuku iho mō tēnei reanga
Whakarongo, ki te reo Māori e karanga nei
Whakarongo, ki ngā akoranga rangatira
Nā te atua i tuku iho ki a tātou e
Pupuritia, kōrerotia mō ake tonu
Tirohia, ngā tikanga tapu a ngā tīpuna
Kapohia, hei oranga ngākau, aue
Whiua ki te ao, whiua ki te rangi
Whiua ki ngā iwi kātoa
Kaua rawatia e tukua e, kia memeha e
Whakarongo, ki te reo Māori e karanga nei
Whakarongo, ki ngā akoranga rangatira
Tēnā kia purea te hauora e
He kupu tuku ihu mō tēnei reanga x2
Whakarongo, tō reo whakarongo
Ngā iwi e
Ngā iwi e
Ngā iwi e, e karanga e te iwi e
Kua eke mai nei
Kua eke mai nei ki runga te marae e
Mauria mai rā
Mauria mai rā e ngā mate o te motu e
Me tini roimata
Me ngā tini roimata e maringi whānui e
Ara titiro e ngā iwi
Titiro e ngā iwi ki ngā mahi o te motu
e hora ake nei e
Ara rū ana te whenua
Rū ana te whenua whatiwhati te moana
Aue te aroha
Aue te aroha te mamae i ahau e x2
Rū ana te whenua whatiwhati hī!
E noho Tūheitia
Ara tihei mauri ora e noho Tūheitia
E noho Tūheitia te hiri o Waikato
E huri to kanohi ki te hauauru
Ngā tai e ngunguru i waho o Te Ākau
aue, hei aue! Hī aue! aue, hei aue!
Tō pikitanga ko te ao o te rangi
Tō heketanga ko karioi maunga
Tō hoe ngā waka ko Whaingaroa
aue, hei aue! Hī aue! aue, hei aue!
E hoe tō waka ki Ngaruawāhia
Tūrangawaewae mō te kīngitanga
Te tongi whakamutunga a Matutaera
aue, hei aue! Hī aue! aue, hei aue!
Piua o mata ki Kawhia moana
Ki Kawhia kai ki Kawhia tangata
Ko te kupu tēnā a o tupuna
aue, hei aue! Hī aue! aue, hei aue!
Takahia atu rā te moana i Aotea
Kia whatiwhati koe i te hua o te miro
Te tihi o Moerangi te puke okiokinga
aue, hei aue! Hī aue! aue, hei aue!
Tairi te aroha i a ha! ha! Hi Aue!
Toro mai o ringa me aroha taua
Aue, Hikitia! Aue, Hapainga!
aue, hei aue! Hī aue! hei aue!
Ara Tīhei Maori Ora Hi!
Io matangāro
Io-matangaro, Io-matawai, Io-nui,
I hanga ā-wairuatia, ngā mea katoa
I ngā Rangi Tūhāhā, i a Pāpā-tū-ā-nuku
I tauhere ai mātou, hei poutiriao i a Papa-tū-ā-nuku
Aratakingia mātou i te ara i whakaritea
Hei oranga ā-wairua, ā-ngākau, ā-tinana
Whakatōria he ngākau aroha māhaki
He ngākau mārama ki roto i tēnā i tēnā o mātou
Haumi e, Hui e, Tāiki e
By Tuini Ngawai
Matariki is the star that guides us
To pursue our aspirations to fruition
Take heed of the signs before us
(So that we may) be resolute and at peace
